Héraðsskjalasafnið fær 200.000,- vegna sýningaferða Þann 6. febrúar sl. voru styrkir Menningarráðs Austurlands fyrir árið 2012 afhentir við formlega athöfn í Snæfellsstofu í Fljótsdal. Héraðsskjalasafn Austfirðinga hlaut þar 200.000,- króna styrk til verkefnisins Austfirsk menning í ljósmyndum.  

Á sameign að gagnast fáum? Á Austurlandi starfa ýmsar stofnanir sem misjafnlega mikið fer fyrir í almennri umræðu. Ein þessara sameiginlegu stofnana er Héraðsskjalasafn Austfirðinga sem starfrækt hefur verið síðan 1976. Héraðsskjalasafnið hefur starfssvið sem nær bæði til stjórnsýslu og menningar. Safnið sækja að jafnaði um 1600-1800 gestir á ári. Það tekur við og skráir skjöl frá stofnunum og einstaklingum, hjá því er viðamikið ljósmyndasafn og veglegt rannsóknarbókasafn, starfsfólk safnsins liðsinnir námsfólki og öðrum sem leita til safnsins í heimildaleit og það stendur ár hvert fyrir fjölda sýninga og annarra menningarviðburða.