Bækur og tímarit eru skráð í bókasafnskerfið Gegni sem hægt er að leita í á netinu.
Skjöl og ljósmyndir eru skráð í gagnagrunnskerfið FileMaker sem er ekki aðgengilegt á netinu. Hins vegar birtum við hér á vefnum skrár yfir einkaskjöl, hljóðupptökur og kvikmyndaupptökur í vörslu safnsins.
Athugið að skrárnar eru ekki tæmandi og ýmislegt hefur bæst við síðan þær voru teknar saman.
Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir.
Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.
