Starfsfólk  |  EN  |  ISL  |    |  

Stjórnarfundur 6.2. 2013

Stjórnarfundur Héraðsskjalasafnsins 6. febrúar 2013
Fundurinn var haldinn í húsnæði safnsins að Laufskógum 1 á Egilsstöðum og hófst kl. 15:00. 
Fundargerð ritaði Hrafnkell Lárusson.

Mætt voru: Ólafur Valgeirsson, Ragnhildur Rós Indriðadóttir, Pétur Sörensson og Hrafnkell Lárusson.

Formaður stjórnar, Ólafur Valgeirsson, setti fund og bauð fundarmenn velkomna.

Dagskrá:

1. Heimsókn fulltrúa Fljótsdalshéraðs
Að ósk bæjarráðs Fljótsdalshéraðs var sveitarfélaginu boðið að senda fulltrúa til fundar við stjórn Héraðsskjalasafnsins vegna hugmynda forsvarsmanna Fljótsdalshéraðs um einn forstöðumann yfir söfnunum í Safnahúsinu. Af hálfu Fljótsdalshéraðs mættu til fundarins Björn Ingimarsson bæjarstjóri, Stefán Bogi Sveinsson forseti bæjarstjórnar og Gunnar Jónsson formaður bæjarráðs. Þeir mættu til fundar kl. 15:30 en áður hafði stjórn rætt tilefni heimsóknarinnar.

Ólafur bauð gestina sérstaklega velkomna og gaf þeim orðið. Björn og Stefán Bogi gerðu grein fyrir hugmyndum sveitarfélagsins varðandi einn forstöðumann fyrir Safnahúsið. Þeir ræddu einnig stöðu Safnahússins sjálfs, bæði hvað snertir eignarhald þess og mögulegar framkvæmdir við það. Stjórn gerði nánar grein fyrir afstöðu sinni, sem áður hafði komið fram í bókun stjórnarfundar 18. desember sl.

Stjórn og gestir skiptust á skoðunum um þessi mál.

Að loknum þessum lið yfirgáfu fulltrúar Fljótsdalshéraðs fundinn.

2. Drög að ársreikningi fyrir árið 2012
HL kynnti drög að ársreikningi ársins 2012, sem bárust fundarmönnum í gær, og gerði grein fyrir helstu niðurstöðum.
Fundarmenn ræddu ársreikningsdrögin.

Frekari umfjöllun vísað til næsta stjórnarfundar.

3. Önnur drög að ársskýrslu ársins 2012
Fyrir fundinum lágu önnur drög að ársskýrslu safnsins fyrir árið 2012.
Skýrslan var rædd og komu fram ákveðnar óskir af hálfu stjórnar um frekari breytingar.

4. Ráðning nýs forstöðumanns Héraðsskjalasafns Austfirðinga
Fyrir stjórnarfund 30. janúar sl. tók stjórn viðtöl við þrjá umsækjendur um starf forstöðumanns.

Stjórn samþykkir með öllum greiddum atkvæðum að ganga til samninga við Magneu Báru Stefánsdóttur um ráðningu hennar í starf forstöðumanns Héraðsskjalasafnsins.

Formanni falið að rita svarbréf til allra umsækjenda um starf forstöðumanns.
Formanni jafnframt falið að ræða við Magneu Báru og gera drög að ráðningarsamningi við hana.

5. Önnur mál
Engin önnur mál.
 

Fleira ekki tekið fyrir, fundi slitið kl. 16:50.

Ólafur B. Valgeirsson [sign]
Ragnhildur Rós Indriðadóttir [sign]
Pétur Sörensson [sign]
Hrafnkell Lárusson [sign]

 

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga