Starfsfólk  |  EN  |  ISL  |    |  

Stjórnarfundur 9.12.2013

Stjórnarfundur Héraðsskjalasafnsins 9. desemeber 2013
Fundurinn var símafundur og hófst hann kl. 11:00.

Mætt voru: Ólafur Valgeirsson, Ragnhildur Rós Indriðadóttir, Pétur Sörensson og Bára Stefánsdóttir.
Ólafur stjórnaði fundi og Bára ritaði fundargerð.

Dagskrá:
1.    Samningur um endurskoðun
Fyrir fundinum lá uppfært ráðningarbréf frá Magnúsi Jónssyni hjá KPMG vegna endurskoðunar hjá Héraðsskjalsafni. Bréfið verður undirritað af formanni stjórnar og forstöðumanni.

2.    Önnur mál
a) Stjórn ræddi kostnað við uppsetningu á nýjum netþjóni/server. Gert er ráð fyrir eins dags vinnu tölvumanns við að koma nýrri vél upp á safninu.

b) Stjórn hefur borist bréf frá Sigurjóni Bjarnasyni, stjórnarformanni Minjasafns Austurlands. Þar er komið á framfæri sameiginlegri ályktun stjórna Minjasafns og Héraðsskjalasafns frá marsmánuði 2010 um að Fljótsdalshérað, sem stærsti einstaki eigandi safnahússins á Egilsstöðum, beiti sér fyrir því að húseignin að Laufskógum 1 komist í eigu eins aðila.

c) Jólakort safnsins er að þessu sinni helgað Einari Braga.

d) Í dag barst til stjórnar Greinargerð um viðhald Safnahússins á Egilsstöðum á árinu 2013 (uppfærð 9. des. 2013) frá Unni Karlsdóttur, safnstjóra Minjasafns Austurlands. Málið verður tekið fyrir á næsta fundi.

Fleira ekki tekið fyrir, fundi slitið kl. 11:40.

Ólafur B. Valgeirsson [sign]
Ragnhildur Rós Indriðadóttir [sign]
Pétur Sörensson [sign]
Bára Stefánsdóttir [sign]

Héraðsskjalasafn AustfirðingaLaufskógum 1, 700 Egilsstaðir

Sími: 471 1417
Tölvupóstur:   heraust@heraust.is

  Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir. Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© 2020 Héraðsskjalasafn Austfirðinga