Birt 2011.
Mynd nr. 9
Í Eyjólfsstaðaskógi sumarið 1996. Myndin er við athöfn þegar skógarlundi Lionsklúbbsins Múla var gefið nafnið Jónasarlundur til heiðurs elsta félaganum Jónasi Péturssyni. Á myndinni eru talið frá vinstri: Ástráður Magnússon, Stefán Pálsson, Gísli Sigurðsson og Jónas Pétursson. Myndin er úr safni Austra. Ljósmyndari: Arndís Þorvaldsdóttir.
Mynd nr. 11
Gjörningurinn „Fullt hús“ eftir Sigurð Guðmundsson á Seyðisfirði sumarið 1997. Listaverkið og umgjörð þess gáfu Seyðfirðingar sér í tilefni af 100 ára afmæli bæjarins. Hestamennirnir eru feðgarnir Magnús Stefánsson og Stefán Þorvarðarson. Myndin er úr safni Austra. Ljósmyndari: Sigurður Björn Blöndal.
Mynd nr. 12
Frá opnun brúar sem félagar í Skógræktarfélagi Fljótsdalshéraðs smíðuðu yfir Kaldá í Eyjólfsstaðaskógi. Árið er 1986. Á borðann klippir Orri Hrafnkelsson. Að baki honum talið frá vinstri: Helgi Halldórsson, Sigurður Símonarson, bæjarstjóri, Björn Andrésson, Dagur Kristmundsson, Magnús Sigurðsson og Þórarinn Einarsson. Úr myndasafni Austra. Ljósmyndari: Örvar Þ. Einarsson.
Mynd nr. 13
Inga Rósa Þórðardóttir, Örn Ragnarsson og Friðrik Stefánsson tæknimaður að ljúka þriggja vikna ferðalagi um Austfirði sumarið 1986. Unnið var að gerð þáttarins Ríkisútvarpið á hringveginum og hófst ferðin í Lóninu og endaði á Bakkafirði þar sem útvarpsbíllinn og tæknimaðurinn voru kvaddir. Skömmu seinna hóf útvarpið rekstur deildar á Austurlandi sem Inga Rósa veitti forstöðu. Myndin er úr safni Rúv á Austurlandi. Ljósmyndari óþekktur.
Mynd nr. 14
Ingjaldur Ragnarsson við farartæki sem hann smíðaði árið 1996 og notaði m.a. til siglinga á Lagarfljóti. Aðspurður sagði hann byggingarefnið hafa verið: tvo toppa af landrover bílum, mótor úr fíatbíl, valdar spýtur frá Völundi og flugvélaskrúfu úr Tf Kló. Úr myndasafni Austra. Ljósmyndari er óþekktur.
Mynd nr. 15
Danshópurinn Firðrildin sýnir þjóðdansa á sýningu Útileikhússins í Egilsstaðaskógi. Á myndinni má þekkja Þráinn Skarphéðinsson og Gunnhildi Ingvarsdóttur, Eirík Elísson og Ingigerði Benediktsdóttur, Magna Björnsson og Helgu Gunnlaugsdóttur, Bergstein Brynjólfsson og Önnu Heiðu Óskarsdóttur, auk Laufeyjar Ólafsdóttur. Myndin er úr myndasafni Austra og er tekin árið 1995 eða 1996. Ljósmyndari er óþekktur.
Mynd nr. 18
Þrír á tali. Jónas Magnússon, bóndi Uppsölum, Gunnsteinn Stefánsson, vatnamælingamaður, og Þórhallur Pálsson, arkitekt. Ekki er vitað við hvaða tækifæri myndin er tekin en trúlega eru mennirnir staddir á fjöllum. Myndin er úr myndasafni Gunnsteins Stefánssonar, en ljósmyndari er óþekktur. Tökuárið er líklega 1985 þar sem sjá má efst í framrúðunni til hægri að bíllinn hefur verið skoðaður það ár.
Mynd nr. 24
Prúðbúnir gestir á Café Nielsen. Frá vinstri: Ólöf Blöndal, Jón Kristjánsson, Margrét Einarsdóttir, Ása Jóhannsdóttir, Sigrún Einarsdóttir. Ekki er vitað af hvaða tilefni konur settu upp hatta þennan dag en það gæti verið vegna opnunar myndlistarsýningar. Tökuár óvíst. Ljósmyndari: Anna Ingólfsdóttir.
