Lokað verður á safninu í dag, þriðjudaginn 13. desember, milli kl. 11:30 og 14:30.
Starfsfólk menningarsviðs Múlaþings og ýmissa menningarstofnana í Múlaþingi hyggst koma saman til fundar á þessum tíma og verða því meðal annars bókasöfn lokuð og fleira.
Við biðjumst velvirðingar ef þetta veldur einhverjum notenda okkar óþægindum, en við munum taka vel á móti ykkur síðar í dag eða næst þegar þið eigið leið um.
Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir.
Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.
