Fámennt en fjölþjóðlegt: Um félagshreyfingar og samfélagslegt umrót á Austurlandi um aldamótin 1900

  2. júní 2022

Hrafnkell Lárusson, fyrrverandi forstöðumaður Héraðsskjalasafns Austfirðinga, heldur fyrirlestur sem byggðan á rannsóknum sínum, en hann varði doktorsritgerð sína, Lýðræði í mótun: félagastarf, fjölmiðlun og þátttaka almennings 1874-1915, við Háskóla Íslands í apríl í fyrra.

Í rannsókninni beindi hann meðal annars sjónum að ýmsum þáttum austfirsks samfélags um aldamótin 1900 og ætlar hann að fjalla nánar um hinn austfirska vinkil í fyrirlestri sem haldinn verður í Safnahúsinu á Egilsstöðum og stendur frá 17:15 til 18:45.

Gert er ráð fyrir um 45 mínútna fyrirlestri, kaffihléi og í framhaldinu verður boðið upp á fyrirspurnir og frekari umræður um efni fyrirlestrarins.

Aðgangur er öllum frjáls en tekið verður við frjálsum framlögum til að koma til móts við kostnað af fyrirlestrinum.

Héraðsskjalasafn Austfirðinga

Laufskógar 1, 700 Egilsstaðir

Sími: 471-1417
Tölvupóstur: heraust@heraust.is

Senda fyrirspurn

Héraðsskjalasafn Austfirðinga er byggðasamlag á vegum sveitarfélaga á Austurlandi. Safnið starfar samkvæmt lögum um opinber skjalasöfn frá árinu 2014 og er sjálfstæð skjalavörslustofnun en lítur faglegu eftirliti Þjóðskjalasafns Íslands. Megin hlutverk safnsins er að taka við skjölum og hafa eftirlit með skjalavörslu aðildarsveitarfélaga sinna og stofnana á þeirra vegum. Í safninu er ágæt aðstaða fyrir fræðiiðkanir.

Öll söfnin í héraðsskjalasafninu - skjalasafnið, ljósmyndasafnið og bókasafnið - stækka ört og luma á margvíslegu efni sem nýst getur við fjölbreyttar rannsóknir, hvort sem þær eru unnar af fræðimönnum, nemum eða öðrum sem kjósa að nýta sér safnkostinn. Margs konar gögn eru í skjalasafninu, þar má t.d. leita upplýsinga um örnefni, landamerki eða um starfsemi félaga sem afhent hafa safninu skjöl sín.

© Héraðsskjalasafn Austfirðinga 1998-2022